Kursk ərazisində əsir götürülən 103 hərbçi Rusiyaya qaytarılıb.

Axar.az xəbər verir ki, bu barədə Rusiya Müdafiə Nazirliyinin Teleqram kanalında məlumat yayılıb.

Bildirilib ki, proses BƏƏ-nin humanitar xarakterli vasitəçiliyi ilə Belarus ərazisində baş tutub. Rusiya ilə Ukrayna tərəfinin nümayəndələri arasında aparılan danışıqlar nəticəsində sentyabrın 14-də vaxtilə Kursk ərazisində əsir götürülən 103 hərbçi Rusiyaya qaytarılıb.

Eyni zamanda, Rusiya tərəfi də 103 ukraynalı hərbçini ölkəsinə təhvil verib.

Həyata keçirilən tədbirlərlə onların ailələri ilə əlaqə yaratmaq istəyi təmin olunub, habelə hər biri psixoloji və tibbi müayinədən keçirilib.