Səudiyyə Ərəbistanı Kralı Salman bin Əbdüləzizin Türkiyə səfəri iki ölkə arasında əlaqələrdə dönüş nöqtəsi ola bilər.

Axar.az xəbər verir ki, bu barədə İngiltərənin nüfuzlu "Qardian" qəzeti yazıb.

Məqalədə hər iki ölkənin xarici siyasət maraqlarının üst-üstə düşdüyü, bu səbəbdən yaxınlaşmanın gələcəkdə də davam edəcəyi qeyd olunub:

"Hər iki ölkə Suriya lideri Bəşər Əsədin devrilməsinin tərəfdarıdır. Ayrıca, bu ölkələr Suriya və İraqda terrorun bitməsini istəyir. Ərdoğan regional güc mübarizəsində rəqib olan şiə İranına qarşı səudiyyəlilərə daha yaxındır. Bu səbəbdən o, İrandakı edamları tənqid edir. Amma Ərəbistanda şiə din xadimi Nimr Baqir ən-Nimrin edamını sükutla qarşıladı".

Yazıda həmçinin, Kral Salmanın qatılacağı İslam Əməkdaşlıq Təşkilatı sammitində Ərdoğan ilə Misirin hərbi rejimini "barışdırmağa" çalışacağı iddia olunub.