Avqustun 6-da Ukrayna qüvvələri Rusiyanın Kursk vilayətinə daxil olaraq bir neçə kvadrat kilometr ərazini ələ keçirdi, lakin bu işğalın əvəzini şərqdəki şəhərlərin təslim olması, eləcə də ən qiymətli texnikasının məhv edilməsi ilə ödəyir.

Axar.az xəbər verir ki, bunu “Forbes”in analitiki Devid Eks deyib.

“Ən qabaqcıl və ən yaxşı Qərb tanklarına sahib olan 21-ci mexanikləşdirilmiş briqada Kursk bölgəsində hücumda iştirak edir. Sosial şəbəkələrdə yayılan videolara görə, Veseloye kəndi yaxınlığında gedən döyüş zamanı bu tanklardan biri PUA ilə vurulub və ya minaya düşüb. Hər bir “Strv 122” və “Leopard 2A6” qiymətlidir, çünki Ukrayna 2023-cü ildə İsveçdən cəmi 10 ədəd “Strv 122”, Almaniya və Portuqaliyadan 21 ədəd “Leopard 2A6” alıb. Bu tanklardan təxminən 20 ədədi qalıb. Bütün texnika 21-ci mexanikləşdirilmiş briqadaya aid idi və çətin ki, onlar üçün yeni tədarüklər olsun”, - o bildirib.