Rusiyanın Ukraynaya hücumu Qərbə silahların keyfiyyətinin deyil, kəmiyyətinin nə qədər vacib olduğunu nümayiş etdirdi.

Axar.az xəbər verir ki, bu barədə "Business İnsider" nəşri yazıb.

Nəşr qeyd edib ki, son onilliklər ərzində Qərb əhəmiyyətli silah ehtiyatı yaratmadan öz hərbi texnikasının keyfiyyətinin yaxşılaşdırılmasına diqqət yetirib. Amma məlum olur ki, kəmiyyət də bir o qədər vacibdir.

Hərbi ekspert və Avstraliya ordusunun istefada olan generalı Mik Rayan nəşrə açıqlamasında deyib ki, biz bu cür uzunmüddətli qarşıdurma üçün Rusiya və Çin kimi silah toplamamışıq və genişmiqyaslı müharibəyə hazır deyilik.

Müharibə Tədqiqatları İnstitutunun analitiki Corc Barros isə bildirib ki, ABŞ Soyuq müharibə zamanı SSRİ ilə eyni sayda tank istehsal edə bilməyəcəyini anladı və buna görə də texnoloji cəhətdən daha mürəkkəb şeylərə arxalandı:

"Məhz bu konseptdə, məsələn, "Abrams" tankı yaradıldı: çox sayda deyil, ağır zireh və yüksək atəş gücü. Soyuq müharibə başa çatdıqdan sonra Qərb hətta bu ehtiyatları da azaltmağa başladı".