ABŞ məhkəməsi artıq ədalətdən danışa bilməz. Oğurlanan pullarımızı bir gün geri alacağıq.

Axar.az xəbər verir ki, bu sözləri İran Xarici İşlər naziri Məhəmməd Cavad Zərif iki ölkə arasıda yaşanan təzminat mübahisəsini şərh edərkən deyib.

"İranın 2 milyardlıq sərvətini ələ keçirən ABŞ məhkəmə sistemi arıtq ədalətdən bəhs edə bilməz. Bu, ABŞ məhkəmə sisteminin iflasa uğramasının göstəricisidir. Mənimsənən sərvətlərimizi bir gün geri qaytaracağıq", - Zərif bildirib.

Qeyd edək ki, 2007-ci ildə Livanın paytaxtı Beyrutda baş verən terror aktı nəticəsində ölən amerikalı dənizçilərin ailələrinə İran təzminat ödəməyə başlamışdı.

Rəsmi Tehran bu ödənişi 2008-ci ildən həyata keçirməyə başlasa da, ABŞ məhkəməsinin 2012-ci il qərarı ilə prosedur dəyişdirilib. Belə ki, sözügedən təzminat bu ildən etibarən İranın ABŞ banklarında olan dondurulmuş maliyyə hesabına ödənilməyə başlanılıb.