İsrailin öz səhvini anlaması olduqca önəmlidir.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Xorvatiyada jurnalistlərin suallarını cavablandırarkən deyib.

"Taleyim budursa, cəzamı çəkərəm" deyə bir məsələ var. Yəqin ki, bizim də taleyimiz budur. İsrailin səhvini anlaması olduqca önəmlidir. İsrailin qarşısında qoyduğumuz 3 şərtdən biri gerçəkləşdi. Üzr istənildi. Təzminat məsələsi ilə bağlı xeyli irəliləyiş əldə etmişik. Qəzza zolağına gəlincə isə burada da müəyyən yaxınlaşma oldu. Təkliflərimizə müsbət yanaşırlar. Ümid edirəm ki, razılaşma əldə edərik. May ayında nümayəndələr yenidən görüşəcəklər", - Ərdoğan vurğulayıb.