Mart ayında Ermənistanın ümumi dövlət borcu fevral ayına nisbətən daha 1,5 faiz artaraq 5.196 milyarda çatıb.

Axar.az xəbər verir ki, bu barədə Ermənistan Milli Statistika Xidməti məlumat yayıb. Beləliklə də 2016-cı ilin əvvəlindən dövlətin borcu 2,3 faiz qalxıb.

Bu vəsaitin xarici borc hissəsinin 3,918 milyardı dövlətin, 487,8 milyon dolları Milli Bankın payına düşür. Daxili borc isə Ermənistanda mart ayında 12 milyon dollar artaraq 790,3 dollara qalxıb.

Rəsmi statistikaya əsasən, Ermənistanın borcu ümumi daxili məhsulun 49,4 faizinə bərabərdir.

Ermənistan Milli Statistika Xidməti 2016-cı ilin sonuna qədər dövlət borcunun 5,569 milyarda çatacağını açıqlayıb.