Dünyanın hər yerində Suriyada mütəşəkkil rejim dəyişikliyindən danışırlar, amma yeni hökumətin demokratik yolla seçilməsindən və bütün Suriyanı idarə etməsindən söhbət gedə bilməz.

Axar.az xəbər verir ki, bunu İsrailin xarici işlər naziri Gideon Saar deyib.

“Suriyada yeni hökumət İdlibdə yerləşən və paytaxt Dəməşqi ələ keçirən terrorçu dəstədir. Dünya bu hakimiyyəti yeni və sabit hökumət kimi görmək istəyir, çünki bir çox ölkə ərazilərində yerləşən suriyalı qaçqınları geri qaytarmağı planlaşdırır”, - XİN başçısı bildirib.

Qeyd edək ki, 8 dekabrda Dəməşqə girən “Heyət Təhrir əş-Şam” Bəşər Əsədi devirərək, hakimiyyəti ələ alıb.