Rusiya Federal Təhlükəsizlik Xidməti Komi mədəniyyətindən bəhs edən “Komi Daily” qəzetini terror təşkilatları reyestrinə daxil edib.

Axar.az xəbər verir ki, bu barədə “Forbes” məlumat yayıb.

Məlumata görə, “Komi Daily” noyabr ayında Rusiya Baş prokuroru İqor Krasnovun iddiası əsasında Ali Məhkəmənin terror təşkilatı kimi tanıdığı “Post-Rusiyanın Azad Dövlətləri Forumu”nun struktur bölmələrindən biri elan olunub.

“Komi Daily” isə bu iddianı təkzib edib və bildirib ki, təşkilatla heç bir əlaqəsi yoxdur.

Bu, Federal Təhlükəsizlik Xidməti (FTX) tərəfindən terrorçu təşkilat kimi tanınmış ilk media qurumu olub.

Qeyd edək ki, ötən ilin martında “Roskomnadzor” “Komi Daily”nin Rusiya ərazisində fəaliyyətini bloklamışdı. May ayında isə nəşrin redaktorları nifrət və ya düşmənçiliyin qızışdırılması və ya insan ləyaqətinin alçaldılması maddəsi ilə cərimələniblər.