Rusiya Federal Təhlükəsizlik Xidmətinin Hərbi Əks-Kəşfiyyat İdarəsinin keçmiş rəisi Nikolay Yuryev saxlanılıb.

Axar.az xəbər verir ki, bu barədə Rusiya Teleqram kanalları məlumat yayıb.

Onun niyə görə saxlanıldığı barədə məlumat yoxdur.

“Maraqlıdır ki, Yuryev öz istəyi ilə rəsmən təqaüdə çıxıb. O, çox şey bilir. Dekabrda mənbələr onun susması müqabilində getməsinə icazə verildiyini bildiriblər. Baxmayaraq ki, prezident Kirillovun qətlini kobud səhv adlandırmışdı”, - məlumatda qeyd olunub.

Qeyd edək ki, Nikolay Yuryev ötən ilin dekabrında Rusiya Silahlı Qüvvələrinin radiasiya, kimyəvi və bioloji müdafiə qoşunlarının komandanı, general-leytenant İqor Kirillovun öldürülməsindən sonra istefa vermişdi.