Biz daha da güclü tərəfdaşlara çevrilirik. Əminəm ki, bu, həm ölkələrimizə, həm də bütün regiona və ondan kənara fayda verəcəkdir. İnanıram ki, imzaladığımız bu Strateji Tərəfdaşlıq Xartiyası daha davamlı, dinc, təhlükəsiz və müstəqil cəmiyyətin yaradılmasına töhfə verəcək.

Axar.az xəbər verir ki, bu sözləri ABŞ Dövlət katibi Entoni Blinken bu gün ABŞ və Ermənistan arasında strateji tərəfdaşlıq haqqında sazişin imzalanması mərasimində deyib.

O bildirib ki, son illərdə biz iqtisadi əlaqələr və əməkdaşlıq sahəsi də daxil olmaqla, əhəmiyyətli dərəcədə birgə iş qura bilmişik:

“Xüsusi qeyd edim ki, Ermənistan hökuməti daha da ədalətli cəmiyyət yaratmaq üçün real öhdəliyi açıq şəkildə nümayiş etdirən islahatlar həyata keçirib.

Biz Ermənistan Respublikasının ərazisində Ermənistanın suverenliyinin qorunmasını təmin etməyə çalışırıq.

Biz Ermənistanın güclü tərəfdaş olmaq qabiliyyətini gücləndirməliyik və Ermənistanın sərhədlərini qorumalıyıq.

Biz iqtisadiyyat, təhlükəsizlik və müdafiə, demokratiya, inklüzivlik və insanlar arasında münasibətlər sahələrində əməkdaşlığın genişləndirilməsini nəzərdə tutan strateji tərəfdaşlıq komitəsi yaradırıq”.