Vüsal Nəsirli zənglərimə cavab vermir - Deputat
20 Noyabr 23:52
| Ana səhifə Gündəm |
|
Milli Məclisin deputatı Razi Nurullayev Azərbaycan Avtomobil Yolları Dövlət Agentliyinin (AAYDA) İdarə Heyətinin sədri Vüsal Nəsirlidən narazılığını bildirib.
Axar.az xəbər verir ki, deputat TNS TV-yə müsahibəsində Vüsal Nəsirliyə dəfələrlə zəng etsə də, onun zənglərinə cavab vermədiyini bildirib:
"İki aydan çoxdur ki, Azərbaycan Avtomobil Yolları Dövlət Agentliyinin (AAYDA) İdarə Heyətinin sədri Vüsal Nəsirliyə zəng edirəm. Çoxsaylı insanlardan ona mesaj da göndərdim ki, zənglərimə cavab versin. Ancaq 2 ay ərzində 12-15 dəfə zəng etmişəm. Mən zəng edib, ondan özümə yol çəkdirməyi istəmirəm ki, mənə cavab verməsin. Çoxsayı vətəndaş müraciətindən sonra onunla danışmaq istəmişdim. Ancaq təəssüf ki, heç bir telefon zənginə cavab vermədi".
|
Tarix
2026.11.20 / 23:52
|
Müəllif
Axar.az
|