Dünyada yaranmış yeni reallığı və ABŞ Prezidenti Donald Trampın “siyasi tornado”sunu nəzərə alsaq, əsas silahın dezinformasiya olduğu, konkret siyasətlərin yaradılması və digər ölkələrdə təbliği üçün USAİD və digər fondların dezinformasiyalara nə qədər vəsait xərclədiyi hər kəsə aydın olacaq.

Axar.az xəbər verir ki, bunu Gürcüstanın Xalqın Gücü Partiyasının üzvü Tamar Çiburdanidze sosial şəbəkə hesabında yazıb.

Onun sözlərinə görə, hibrid müharibələr məhz dezinformasiya yolu ilə aparılır və bu dövr başa çatmaq üzrədir.

Ekspert bildirib ki, xarici ekspertlərin hesablamalarına görə, internetin bütün dünyada yayılması ilə paralel olaraq hər gün görünməmiş həcmdə, orta hesabla 2,5 kvintilyon bayt informasiya yaradılır və saxlanılır. Təkcə son iki ildə bəşəriyyət bütün tarixdə olduğu qədər məlumat yaradıb və saxlayıb, onda nə qədər dezinformasiyanın olduğu məlum deyil.