Ukrayna rəsmi olaraq hələlik nüvə silahı hazırlamağı planlaşdırmadığını bəyan edib və bununla Qərb tərəfdaşlarını narahat etməməyə çalışır, gələcəkdə isə belə bir ehtimalı tamamilə istisna edən yoxdur.

Axar.az xəbər verir ki, bu barədə “Telegraf” nəşrinin məqaləsində bildirilib.

“Ukraynalı tarixçi Yevgeni Finkel yeni kitabında yazır ki, onun vətəni Dnepr üzərində İsrailə çevrilə bilər. Bu, yalnız döyüşlərdə möhkəmlənmiş və özünü müdafiə etməyə hazır əhalini deyil, həm də İsrailə bənzər müstəqil nüvə arsenalının yaradılmasını da ifadə edə bilər", - nəşr qeyd edib.

Bildirilir ki, Ukraynanın nüvə silahı yaratmaq üçün bütün imkanları var.

Qeyd edək ki, Ukrayna 1994-cü ildə Rusiya, ABŞ və Böyük Britaniyanın təhlükəsizlik zəmanəti müqabilində nüvə silahından imtina edib.