Almaniyanın Xarici İşlər naziri Frank-Valter Ştaynmayerin Litvaya səfəri başlayıb.

Axar.az xəbər verir ki, Ştaynmayer səfəri çərçivəsində Litva Prezidenti Dalya Qribauskayte və XİN rəhbəri Linas Linkeviçusla görüşəcək.

Görüşlərin əsas müzakirə mövzusu isə Şərqi Avropada militaristləşmə və NATO ilə Rusiya arasında dialoq mühitinin yenidən formalaşdırılması olacaq.

"Rusiya ilə dialoqu bərpa edib, etibar mühitini yenidən formalaşdırmalıyıq. Varşava sammitindən (8-9 iyul - red.) öncə bu görüş baş tutmalıdır. Artıq bir çox Avropa Birliyi ölkəsi Rusiyaya qarşı sanksiyaların genişləndirilməsinə qarşı çıxır. Bu il vahid mövqe nümayiş etdirmək çətin olacaq", - Almaniya rəsmisi bildirib.