Birləşmiş Ərəb Əmirlikləri, İordaniya və Misirin Fələstin lideri Mahmud Abbasa qarşı çevriliş planı hazırladıqları ortaya çıxıb.

Axar.az xəbər verir ki, bu iddia ilə "Midl İst Ay" (MEE) xəbər portalı çıxış edib.

Məlumata görə, Abbasın postuna Fəth Partiyasının sədri Məhəmməd Dahlanın gətiriləcəyi bildirilib:

"Dahlanı lideriliyi ilə İsraillə gizli müzakirələr aparılıb. Müzakirələr zamanı hər 3 ölkənin hazırladığı ortaq plan belədir:

Gələn seçkilərdə "Fəth" qruplaşmasına birliyi təmin etmək,

HƏMAS-ı məzhəbçi qruplara ayırmaq,

Ərəb ölkələrinin dəstəyi ilə İsrail-Fələstin arasıda sülh prosesini tezləşdirmək,

Fələstin rəhbərliyinə Dahlanın gətirilməsi".

Qeyd edək ki, Məhəmməd Dahlan Fələstində xüsusi çəkisi olan Fəth Partiyasının sədridir.

Dahlan İsrail və ABŞ-a casusluq etməkdə ittiham edilir.