Serbiya heç vaxt Avropa Birliyinin üzvü olmayacaq, baxmayaraq ki, bu məsələni bütün partiyalar və ölkə vətəndaşları həll etməlidir.

Axar.az xəbər verir ki, bunu Serbiya Baş nazirinin müavini Aleksandr Vulin deyib.

"Bizim (Sosialist Hərəkatı - red.) arzumuz odur ki, Serbiya bir gün BRİKS-in tamhüquqlu üzvü olsun. Lakin bu, təkbaşına həll edə biləcəyimiz bir məsələ deyil. Prezident Aleksandr Vuçiç bildirib ki, qarşıdakı iki-üç ildə biz ehtimal ki, referendum keçirərək, Serbiya vətəndaşlarına sual ünvanlayacağıq: "Serbiya BRİKS-in, yoxsa başqa bir təşkilatın – AB-nin üzvü olmaq istəyir?" Dərindən əminəm ki, biz heç vaxt AB-nin üzvü olmayacağıq. Amma mən məsuliyyətli siyasətçiyəm və təkcə öz istəklərimdən yox, həm də reallıqdan danışmalıyam", - Vulin qeyd edib.