CHP-nin sabiq sədri, mərhum Dəniz Baykalın qızı Əsli Baykal partiyanın hazırkı sədri Özgür Özəlin xarici xəbər agentliyinə verdiyi müsahibədə Türkiyəni şikayət etməsini sərt şəkildə tənqid edib.

Axar.az xəbər verir ki, bu barədə Əsli Baykal sosial media hesabında paylaşım edib.

“Dünyada söz sahibi olma yolunda addımlayan Türkiyəni ana müxalifət dünyanın müxtəlif qapılarını gəzib şikayət edəcəkmiş. Bunun başqa bir nümunəsi varmı görəsən? “Oğurluq etdik, bizi ifşa edib cəza verdilər” deyəmi şikayət edəcəklər? Yoxsa “Diplomumuz saxtaymış, qəbul etmədilər, siz danışın, qəbul etsinlər” deyəcəklər? Özlərini kral hesab etdilər, gücü əllərinə keçirsəydilər, nələr edəcəklərini film treyleri kimi izlədik – nifrət, qəzəb, hər şey var idi o fraqmentdə. Çətin oldu, amma təhlükənin eşiyindən dönmüşük”, - paylaşımda qeyd edilib.