2025.04.23. 17:25

İstanbulda (yerli vaxtla - red.) saat 15:12-yə qədər ən böyüyü 5,9 olan 51 afterşok qeydə alınıb.

Axar.az xəbər verir ki, bu barədə Türkiyə daxili işlər naziri Əli Yerliqaya bildirib.

O vurğulayıb ki, saat 12:49-da Mərmərə dənizində 6,2 bal gücündə baş verən zəlzələ 13 saniyə davam edib.

Qeyd edək ki, İstanbulda 6,2 maqnitudalı zəlzələ baş verib. Zəlzələdən sonra afterşoklar davam edir.

***

İstanbulda baş verən 6,2 bal gücündə zəlzələdən sonra yerli vaxtla saat 17:55-ə olan məlumata görə, 127 afterşok qeydə alınıb.

Bu barədə Türkiyənin daxili işlər naziri Əli Yerliqaya deyib.

Onun sözlərinə görə, Fatih rayonunda boş olan bir binanın dağıldığı təsdiqlənib. Başqa dağıntı yoxdur.

Nazir həmçinin əlavə edib ki, zəlzələ nəticəsində zərər görmüş doqquz binadan sakinlərin təxliyəsi həyata keçirilib.

***

6,2 ballıq güclü zəlzələnin ardından indiyə qədər 184 afterşok qeydə alınıb. Bunların arasında 7-si 4 baldan yuxarıdır.

Bu barədə AFAD məlumat yayıb.