Rusiya və Ermənistanın vahid raketdən müdafiə sisteminin yaradılması işləri artıq bir neçə ildir aparılır.

Axar.az xəbər verir ki, bunu jurnalistlərə açıqlamasında Kollektiv Təhlükəsizlik Müqaviləsi Təşkilatının Baş katibi Nikolay Bordyuja söyləyib. Onun sözlərinə görə, bu sistemin yaradılması Rusiya və Ermənistan parlamentlərinin razılığından sonra mümkün olacaq:

"Rusiyanın artıq Belarus və Qazaxıstanla belə bir sistemi var. İndi biz bunu Ermənistanla yaradırıq. Bu, birinci mərhələdir. İkinci mərhələ bütün sistemlərin birləşdirilməsi olacaq. Bu, KTMT-nin bütün ərazilərində vahid sistem şəklində formalaşdırılacaq".