Rusiya qüvvələrinin guya “May atəşkəsi”nə hazır olduqları ilə bağlı bəyanatlarına baxmayaraq, cəbhə xəttində hücumların intensivliyi getdikcə artır. Xüsusən də düşmən Zaporojye vilayətində cəbhəni yarmaq cəhdlərini gücləndirib, rayon mərkəzinə yaxınlaşmağa cəhd edir.

Axar.az xəbər verir ki, bu sözləri Ukrayna Təhlükəsizlik və Əməkdaşlıq Mərkəzinin rəhbəri Sergey Kuzan deyib.

O bildirib ki, Rusiya qoşunları Zaporojye istiqamətinə əlavə qüvvə və texnika göndərir:

"Xerson nümunəsindən istifadə edərək, cəbhədə rusların taktikasını görə bilərik. Onlar mühasirəyə ala bilmədikləri hər hansı rayon mərkəzinə yaxınlaşan kimi əhalini qovmaq taktikasını seçirlər. Ruslar təsadüfi olaraq mülki obyektləri - evləri, maşınları və s. atəşə tutmurlar".

Qeyd edək ki, daha əvvəl Rusiya prezidenti mayın 8-11 tarixləri üçün atəşkəs təklif etsə də, V.Zelenski bununla razılaşmayıb.