Əfsanəvi boksçu Məhəmməd Əlinin sülh və azadlıq haqqında düşüncələri Türkiyə siyasəti ilə üst-üstə düşür.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Məhəmməd Əli üçün yazdığı məktubda qeyd edib.

"Məhəmməd Əlinin inanılmaz hekayəsinin burada bitməyəcəyini göstərmək üçün türk xalqı adına ABŞ-a səfər etdim. Minlərlə insan onun sadəcə idman fəaliyyətinə görə deyil, həm də şəxsiyyətindən dolayı təsirləndi. 2001-ci il 11 sentyabr hadisələrində 1.7 milyard müsəlmanın təhdid olaraq görülməsinə qarşı çıxdı. O, ədalətsizliyə, pis rəftara və ayrı-seçkiliyə məruz qaldı. Onun fikirlərindən yalnız müsəlmanlar deyil, yəhudi və xristianlar da bəhrələnməlidir. Əfsanəvi insan həyatını itirsə də, ideyaları daim yaşayacaq", - deyə məktubda Ərdoğan qeyd edib.