Ermənistanda orduya çağırışdan azadolma layihəsi müzakirəyə çıxarılmadan təxirə salınıb. Hakimiyyət layihənin ətraflı təkmilləşdirilməsinin vacib olduğunu bildirib.

Axar.az xəbər verir ki, məlumatı Ermənistan mediası yazıb.

Bildirilir ki, müxalifət və ombudsman qanunun Konstitusiyaya zidd və ayrı-seçkilik olduğunu bildirir. Layihənin müəllifi Ayk Sərkisyan isə cəmiyyətin layihəni dəstəklədiyini və bu yolla miqrasiyanın qarşısının alınacağını düşünür.

Qanunun iyulun 1-dək qəbul olunması hədəflənir.

Qeyd edək ki, sözügedən layihəyə görə, çağırışçılar 1 aylıq xidmət üçün 24 milyon dram (təxminən 62 min dollar), 4 aylıq təlim xidmətinə görə isə 18 milyon dram (təxminən 46 min dollar) ödəyərək tam xidmət etmədən azad ola bilərlər.