Heç kim Paşinyanın Qərbə doğru vektorunu ləğv etmir, İrəvanda heç kim Ermənistanın AB-yə daxil olması ilə bağlı referendum keçirməyəcəyini deməyib.

Axar.az xəbər verir ki, bunu rusiyalı politoloq Yevgeni Mixaylov “Moskva-Bakı”ya müsahibəsində Ermənistanın Rusiya ilə müttəfiqliyini yenidən formatlaşdırmaq niyyətində olmadığı barədə bəyanatlarına münasibət bildirərkən deyib.

“Bu yaxınlarda Lavrovun İrəvana səfəri zamanı eşitdik ki, iki ölkə arasında münasibətlər sanki inamsızlıq zonasından kənara çıxıb və köhnə narazılıqlar unudulur, amma mən buna şübhə edirəm. Çünki bayaq qeyd etdiyim kimi, Ermənistan son illər öz subyektivliyini nümayiş etdirməyib. Eyni zamanda, Ermənistan indi Rusiya ilə tamamilə düşmənçiliyə tab gətirə bilməz, Aİİ Ermənistan iqtisadiyyatı üçün güclü qida mənbəyidir. İrəvanın AB-yə yönəlik istənilən ciddi addımı isə Ermənistanı böyük məbləğdə pul və mənfəət itkisi ilə təhdid edir. İrəvan üçün vəziyyət asan deyil, lakin Ermənistan hakimiyyəti özü bu yolu seçib. Ermənistan Qərbi seçib Rusiyadan ayrılsa, çətin ki, bu, respublika üçün yaxşı bitsin”, - o bildirib.