Gürcüstan hüquq mühafizə orqanları Dato Svan ləqəbli qanuni oğru David Gerlianini Ermənistan-Gürcüstan sərhədini keçərkən tutublar.

Axar.az xəbər verir ki, bu barədə Gürcüstanın Daxili İşlər naziri Georgi Mqebrişvili keçirdiyi brifinqdə bildirib.

Nazir qeyd edib ki, istintaqa mane olmamaq üçün bununla bağlı ətraflı məlumat verilməyib.

Mqebrişvilinin sözlərinə görə, aparılan intensiv əməliyyat-axtarış tədbirləri nəticəsində Gerlianinin yeri müəyyənləşdirilib və qanuni oğru adını daşıdığına görə Gürcüstan-Ermənistan sərhədində tutulub. Axtarış zamanı onun üzərindən Ukrayna pasportu çıxıb.

Qeyd edək ki, iyunun 18-də Qerliani Odessada saxlanılaraq Gürcüstana deportasiya olunmuşdu. Gürcüstan qanunlarına görə, qanuni oğru adı daşımaq qadağan olunsa da, Qerliani ölkəyə gələ bilmişdi.