Türkiyə kəşfiyyatının (MİT) rəhbəri İbrahim Kalın ötən gün İraqa səfər edib.

Axar.az Teleqraf-a istinadən xəbər verir ki, o, Ərbildə Kürdüstan Demokratik Partiyasının (KDP) sədri Məsud Bərzani, Kürdüstan Regional Hökumətinin (KRG) sədri Necirvan Bərzani, Kürdüstan Regional Rəhbərliyinin (KRG) Baş naziri Məsrur Bərzani və digər şəxslərlə görüşüb.

İkitərəfli danışıqlar zamanı İran və İsrail arasında müharibədən sonra bölgədəki son vəziyyət və regional sülhün təmin edilməsi üçün atılacaq addımlar müzakirə edilib.

Danışıqlar zamanı müzakirə olunan ən mühüm məsələlərdən biri də “Terrorsuz Türkiyə” prosesi olub. Bu çərçivədə bütün bölgənin terrordan təmizlənməsi və terrorun regional gündəmdən çıxarılması üçün gələcəkdə atılacaq addımlar müzakirə edilib.

Bundan əlavə, danışıqlar zamanı türkmanların təhlükəsizliyi və onların siyasi proseslərdəki rolu da ətraflı müzakirə olunub. Türkiyənin İraq türkmanlarının yanında olduğu bildirilib.

Önümüzdəki dövrdə İraq mərkəzi hökuməti və İraq Kürd Regional Rəhbərliyi orqanları ilə təmasların intensivləşdirilməsinin vacibliyi vurğulanıb.