Yuxarı

Gənc əlil rəssamların sərgisi açıldı – Foto

Ana səhifə Kult Rəsm
12 Punto 14 Punto 16 Punto 18 Punto

MM Mədəniyyət Komitəsi, Xalça Muzeyi, “Nəfəs” İB, RHİM və Masallı Təhsil Fondunun dəstəyi ilə fiziki imkanları məhdud bir qrup gənc rəssamın “Sərhədsiz sənətkarlıq” adlı sərgisi keçirilib.

Kult.az xəbər verir ki, Milli Məclisin Mədəniyyət Komitəsinin sədri Qənirə Paşayeva istedadlı gənc rəssamların 3 dekabr - Beynəlxalq Əlillər Günü münasibəti ilə təşkil olunmuş “Sərhədsiz sənətkarlıq” adlı xeyriyyə sərgi-satış yarmarkasında çıxış edib.

Q.Paşayeva sərgidə rəsmləri nümayiş olunan gənc rəssamlar Aytac Quliyeva, Ceyhun Ənvərzadə, Dərgah Əliyev, Fuad Musayev, Lalə Həsənova, Samirə Salmanova, Vüsalə Musayevanı mənəvi övladları adlandırıb, oların həyata, sənətə tutunmasından, dözümündən, iradəsindən söz açıb:

“Bu gənclərin, demək olar, hər biri ilə ayrı-ayrılıqda görüşmüşəm, yaradıcılıqları, həyata, dünyaya rəngli baxışları ilə tanışam. Siz özünüz bu gün burada bir daha şahid olursuz ki, onlar necə gözəl əsərlər yaradıb, necə gözəl mövzular seçib və necə gözəl qəlbə malikdirlər. Üstəlik, bu gənc istedadlarımız yüksək vətənpərvərlik ruhu ilə seçilir. Gərək, bizlər hədiyyə alarkən məhz belə gənclərimizin əsərlərinə üstünlük verək. Sənətə, sənətçiyə, istedada, gənclərə dəstəyi hər birimiz sözdə yox, əməldə göstərməliyik”.

Millət vəkili sərgidə iştirak edənləri əsərlər almağa səsləyib.

Açılış mərasimində millət vəkilləri, ziyalılar çıxış ediblər.

Sərgidə nümayiş olunan əsərlərin əksəriyyəti aksiyanın 1-ci günü satılıb. Qeyd edək ki, xeyriyyə sərgi-satış yarmarkası 3 gün davam edəcək. Yarmarkanın gedişində gənc əlillər üçün ustad dərsləri də təşkil olunacaq.

Tarix
2021.12.05 / 01:49
Müəllif
Kult.az
Şərhlər
Digər xəbərlər

Azərbaycandan oğurlanan əsərlər satışa çıxarıldı - Şok

Messinin şişirdilmiş heykəli - Foto

Məhşur alman rəssamın əsəri 20 milyona satıldı

Xarici rəssamlar Füzulidə

Tarixin ən böyük incəsənət auksionu keçiriləcək

40 il gizlədilən portret rekord qiymətə satıldı - Foto

Alim Qasımov Ramilin sərgisində - Foto

Şuşada “Qarabağ atları” sərgisi açıldı

Ukraynanın “simvol”u 100 min dollara satıldı - Foto

Ölkədə koronavirusa yoluxanların sayı açıqlandı

KULT
<>
Xəbər xətti
  
  
  
  
Axar.az'da reklam Bağla
Reklam
Bize yazin Bağla