Bəzi tərəvəzlər sağlam qan şəkərinin səviyyəsini "məhv edə bilər.

Axar.az Medicina.az-a istinadən xəbər verir ki, bu barədə həkim Nataliya Komova bildirib.

Onun sözlərinə görə, bəzi tərəvəzlər qan şəkərinin səviyyəsinə mənfi təsir edərək, onların dalğalanmasına və artmasına səbəb ola bilər:

"Tərəvəzlər lif, qida maddələri ilə zəngindir və yeyildikdə sağlamlıq üçün lazım olan optimal qida tələbatını təmin edir. Qan şəkərinin səviyyəsini təhlükəli dərəcədə yüksəldə bilən tərəvəzlərə kartof, noxud, qarğıdalı, çuğundur, yerkökü daxildir - onlar karbohidratlarla zəngindir və sağlam qan şəkərinin səviyyəsinə zərər verə bilər.

Sadalanan bəzi məhsulların yüksək qlisemik indeksi (GI) var, yəni onları yedikdən sonra qan şəkərinin səviyyəsində kəskin sıçrayış baş verə bilər. Başqa sözlə, bu cür məhsullar çox tez sovrulur və parçalanır, ardınca qlükoza qana buraxılır. Belə qida diabet xəstələri üçün kontrendikedir”.