Qəhvə içmək 2-ci tip diabetin inkişafından qorunmağa təsir göstərir.

Axar.az Medicina.az-a istinadən xəbər verir ki, bunu Danimarka alimi professor Keld Hermansen bildirib.

"Epidemioloji tədqiqatlar sübut edə bilməsə də, bütün son meta-analizlər qəhvə istehlakı ilə 2-ci tip diabetin inkişaf riskinin azalması arasında aydın əlaqə tapdı”, - Hermansen qeyd edib.

Hermansenin sözlərinə görə, alimlər 1 milyondan çox insanın məlumatlarını təhlil ediblər. Onlar belə nəticəyə gəliblər ki, çox qəhvə istehlak edən insanlar, minimal qəhvə içənlərlə müqayisədə 2-ci tip diabetə tutulma riski 29 faiz azdır.

Professor qeyd edir ki, 2-ci tip diabet riski gündə hər əlavə qəhvə üçün 6 faiz azala bilər. Qəhvənin diabetə qarşı təsirinin müxtəlif bölgələrdə çox oxşar olduğunu deyir, kişilərdə və qadınlarda, arıq və kök insanlarda, həm süzülməmiş dəmlənmiş qəhvə, həm də süzülmüş qəhvə içən insanlarda müşahidə olunur.

Keld Hermansen qeyd edib ki, qəhvənin tərkibində yüzlərlə bioloji aktiv maddə var və bu, onun antidiyabetik təsirinin altında yatan mexanizmi izah etməyi çətinləşdirir. Bu təsirin mümkün mexanizmlərinə termojenik, antioksidant və antiinflamatuar təsirlər daxil ola bilər:

"Məsələn, qəhvənin tərkibindəki bioloji aktiv kafestolun insan əzələ hüceyrələri tərəfindən qlükoza qəbulunu artırdığı və beta hüceyrə funksiyasını yaxşılaşdırdığı sübut edilib”.

Professor Hermansen "ən böyük antidiyabetik effekti yaşamaq üçün" gündə üç-beş fincan qəhvə içməyi tövsiyə edib. O, əlavə edib ki, qəhvənin digər mühüm xüsusiyyəti qaraciyər yağlanması riskinin azalmasıdır.