Amerikalı alimlər sübut ediblər ki, masaj xərçəngin müalicəsində istifadə edilə bilər və edilməlidir. Çox güclü dərmanların səbəb olduğu xroniki yorğunluqdan çıxmağa kömək edir.

Axar.az Medicina.az-a istinadən xəbər verir ki, Atlantadakı Emori Universitetinin tədqiqatçıları müəyyən ediblər ki, masaj şişlərlə amansız mübarizə aparan xəstələrə ağır xərçəng müalicəsi zamanı yaranan xroniki yorğunluq hissini yan təsirləri ilə aradan qaldırmağa kömək edir.

Əməliyyatdan sonra xərçəng xəstələri adətən kimyaterapiya və radiasiyaya məruz qalırlar. Bu çoxsaylı fəsadlara səbəb olur ki, bunlardan da ən çox görülənlərindən biri xroniki yorğunluqdur. Alimlər altı həftə ərzində üç könüllü qrupunu müşahidə ediblər.

Birinci qrupda xəstələr klassik İsveç masajı alıblar, ikinci qrupda ümumiyyətlə masaj edilməyib, üçüncü qrupda isə yüngül toxunma ilə.

Tədqiqat boyu müəlliflər xəstələrin rifahını izləyiblər və immun markerlər üçün qan nümunələri götürüblər. Tədqiqat göstərib ki, masaj xroniki yorğunluqdan xilas olmaq üçün effektiv vasitədir və alimlər nəticələri ümidverici adlandırırlar.

Bəlkə də gələcəkdə masaj onkologiyada fizioterapiyanın ayrılmaz hissəsinə çevriləcək, çünki bütün müalicənin müvəffəqiyyəti çox vaxt xəstənin enerji səviyyəsindən və fiziki fəaliyyətindən asılıdır.