Dərin yuxu düzgün istirahət üçün vacibdir. Xroniki yorğunluq çox vaxt yuxu miqdarı ilə deyil, insanın anatomiyası və nəfəs alması ilə birbaşa əlaqəlidir.

Axar.az Medicina.az-a istinadən xəbər verir ki, biofizik, tədqiqatçı Polina Belozerovanın sözlərinə görə, insan səkkiz saat yatsa belə, kifayət etməyə bilər.

Bildirilib ki, dərin yuxunun olmaması bədənin düzgün yerləşdirilməməsi, narahat yataq, eləcə də nəfəs almağa mane olan çənə və ya dilin forması ilə bağlı ola bilər.

Mütəxəssis qeyd edib ki, əgər dil yuxarı çənəmizə sığmırsa, boğaza doğru çökür. Beləliklə, əvvəlcə alt çənə boğazımıza, sonra isə damağımıza yapışa bilməyən və hava yollarını bağlayan dilə basır.

O izah edib ki, bu halda bədən daim mikro-oyanışlara məruz qalmağa məcbur olur. Nəticədə yuxu fasiləli və səthi olur və beyin lazımi istirahəti almır.