Xərçəng riskini etibarlı şəkildə artıran iki qida müəyyən edilib.

Axar.az Medicina.az-a istinadən xəbər verir ki, diyetoloq Nikol Endryus şəkər, un məhsulları, bitki yağları və qida əlavələrinin xərçəngin inkişafına təsir etmədiyini vurğulayıb.

O, xərçəng riskini etibarlı şəkildə artıran yeganə qida kimi alkoqol və emal olunmuş əti qeyd edib:

"Emal olunmuş ətlərə sosiska, kolbasa, bekon — yeməyə hazır olan və soyuducuda uzun müddət saxlanıla bilən hər şey daxildir. Hətta bu qidaların az miqdarda olması belə bağırsaq xərçəngi riskini artırır”.

Endryus həmçinin insanları spirtli içki qəbulunu azaltmağa və ya daha yaxşısı, ondan tamamilə imtina etməyə çağırıb.

Onun sözlərinə görə, spirtli içki bədəndə parçalandıqda, bağırsaq xərçəngi və döş xərçəngi də daxil olmaqla, ən azı yeddi növ xərçəngə səbəb olur.