Yuxarı

Virus hücumu: Azərbaycanda qiymət artımı olacaqmı?

Ana səhifə Sağlıq
12 Punto 14 Punto 16 Punto 18 Punto

Koronavirusun dünya iqtisadiyyatına böyük təsiri olacaq. Bu virus Çinin həm özünə mənfi təsir edəcək, həm də ölkədən xaricə idxal edəcəyi məhsulların satışının kəskin azalması ilə nəticələnəcək.

Bu sözləri iqtisadçı ekspert Pərviz Heydərov koronavirusun dünya iqtisadiyyatına təsirləri barədə Axar.az-a danışarkən deyib.

İqtisadçı bildirib ki, Azərbaycan Çinlə digər böyük dövlətlər kimi geniş iqtisadi, siyasi, mədəni əlaqələrə malik olmasa belə, mart ayına kimi Pekinə olan uçuşları dayandırıb:

“Bu halın psixoloji bir təsiri də var. Azərbaycan Qida Təhlükəsizliyi Agentliyi (AQTA) müəyyən məhsulların Çindən gətirilməməsi barədə çağırış edib. Hesab edirəm ki, bu, tədqirəlayiq addımdır. AQTA və digər aidiyyəti qurumlar, elə Gömrük Komitəsi də birgə əməkdaşlıq göstərərək Çindən ölkəmizə gətirilən müəyyən məhsulların, xüsusən, qida məhsullarının məhdudlaşdırılması məsələsinə nəzarət etməlidir”.

Ekspert vurğulayıb ki, Azərbaycana Çindən idxal edilən məhsullar azlıq təşkil edir:

“Buna görə də sözügedən vəziyyət iqtisadiyyatımıza ciddi təsir etməyəcək. Azərbaycanda qiymət artımı olacağını düşünmürəm, çünki Azərbaycan bazarında Çin məhsullarının azaldılmasında ciddi bir dəyişiklik etməyəcək.

Bizim ərzaq bazarımız daha çox Türkiyə, Rusiya və İrandan asılıdır. Çin məhsullarının bazarda azalması digər növ məhsulların qiymətinə müəyyən dərəcədə təsir edə bilər. Bu da istehlak mallarının indeksinin kəskin şəkildə dəyişməsi ilə özünü büruzə verə bilməz”.

Pərviz Heydərov bəzi azərbaycanlı sahibkarların bu hadisədən sui-istifadə edərək qiymət artımına yol verəcəyini də istisna etməyib:

“Azərbaycanda bəzi işbazlar mövcud vəziyyətdən istifadə edərək, süni qiymət artımına yol verə bilər. Lakin bu, uzun sürməyəcək. Əvvəlcə onlar insanlarda bir panika yaradaraq öz məhsullarını baha qiymətə bazara çıxaracaqlar. Amma tez bir zamanda bu halların qarşısı alınacaq”.

Tarix
2020.02.01 / 08:45
Müəllif
Səidə Vahid
Şərhlər
Digər xəbərlər

Ermənistan Azərbaycanın beşdə birini işğal etdikdən sonra...

Əliyevlə Şoltsun təkbətək görüşü başladı

Ağdamda heç nə etməyən mərkəz bağlandı

Qumda Azərbaycana qarşı növbəti tədbir keçirildi

İlham Əliyev Almaniyada mühüm tədbirdə... - Foto

COP29 bizə imkan verəcək ki... - Prezident

Qafqazda Rusiyanın yalnız bir tərəfdaşı var - Fenenko

Bu, gördüyümüz işlərin tanınmasıdır - Prezident

Sülhməramlılar Qarabağda buna nail oldular - Rus general

Azərbaycan XİN-dən Avropa Parlamentinə cavab

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla