Koronavirus pandemiyası başlanandan Ümumdünya Səhiyyə Təşkilatına qarşı kiberhücumların sayı xeyli dərəcədə artıb.

Axar.az xəbər verir ki, bu barədə təşkilatın yaydığı press-relizdə bildirilib. Məlumata görə, ÜST-ün informasiya təhlükəsizliyinə törədilən qəsdin sayı ötən ilin müvafiq dövrü ilə müqayisədə beş dəfə çoxdur.

Təşkilatın adından guya Koronavirusla Mübarizə Fonduna vəsait ianə etmək çağırışına dair elektron məktublar göndərilməsi hallarının sayı artıb. Bundan başqa, bu həftə ÜST-ün təqribən 450 elektron poçt ünvanı və parolu sızdırılıb.

Məlumat bazasına zərər toxunmayıb, lakin təşkilatın sabiq və indiki işçilərinin, habelə tərəfdaşlarının istifadə etdikləri daxili şəbəkəyə ziyan vurulub.

ÜST öz sisteminin təhlükəsizliyinin gücləndirilməsi üzərində iş aparıldığını vurğulayıb.