Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
12 İyul 2020


Yaponlar koronaya görün necə qalib gəldi…

Ana səhifə Sağlıq
12 Punto 14 Punto 16 Punto 18 Punto

Yaponiyada koronavirusa görə tətbiq edilən fövqəladə vəziyyət rejimi 25 maydan aradan qaldırılıb. Çinə yaxınlığı ilə seçilən bu ölkədə yoluxma və ölüm hallarının az olması da təəccübə səbəb olub.

Axar.az xəbər verir ki, Yaponiyanın paytaxtı Tokioda yaşayan jurnalist Vüqar Ağayev Azərtac-a gündoğan ölkənin bu ölümcül virusa hansı yolla qalib gəldiyini yazıb.

Bildirilir ki, Yaponiya dünyanın bir çox ölkələrində həyata keçirilən ciddi qadağaların olmaması ilə seçilib. Yaponiyada hətta COVİD-19 pandemiyası ilə mübarizə üçün mərkəz belə yaradılmayıb. Dünya Səhiyyə Təşkilatının əhalinin kütləvi şəkildə testdən keçirilməsi barədə çağırışına baxmayaraq, Yaponiya həmin xahişi də həyata keçirməyib.

Mütəxəssislərin fikrincə, yaponlara bu məsələdə həm də illərdir formalaşmış və oturuşmuş mentalitet, tarixən formalaşmış milli xüsusiyyətlər kömək edib. Belə ki, yaponlar bir-biri ilə görüş və ya vidalaşma zamanı yalnız müəyyən qədər əyilir və əl vermədən salamlaşıb-sağollaşırlar. Hətta bəzi xalqlarda müşahidə edilən qucaqlaşma və öpüşmə kimi hallardan yaponlar ümumiyyətlə istifadə etmirlər.

Həmçinin, yaponların nəfəs yollarında müəyyən nasazlıq hiss etdikdə tibbi maska taxmaq kimi vərdişləri də var. Bu ölkədə tibbi vasitələr satan mağazaların hamısında tibbi maskalar həmişə ön sırada yer alır və yaponlar yaşından asılı olmayaraq, bu qoruyucu vasitəyə böyük diqqətlə yanaşırlar.

Bundan başqa, bir çox ölkədə pandemiyadan sonra başlayan market, restoran, ictimai yerlərin girişində dezinfeksiyaedici vasitələrin vurulması Yaponiyada illərin qəbul edilmiş qaydasıdır. Yaponiyada əksər ictimai yerlərdə, xüsusən restoranlarda, mağaza və marketlərin giriş və çıxışlarında dezinfeksiyaedici vasitələrin yerləşdirilməsi təcrübəsi var. Pandemiya yayılarkən bu işi həyata keçirmək üçün əksər iş yerlərində işçilər ayrılsa da, Yaponiyada buna görə əlavə işçi qüvvəsinin cəlb edilməsinə ehtiyac yaranmayıb.

Başqa bir məqam kimi isə ondan ibarətdir ki, Yaponiyada hökumət heç bir qadağa, cərimə tətbiq etməyib. Çünki yaponiyada illərdir hökumətin yalnız xahişini nəzərə alan ictimai-iaşə obyektləri formalaşıb. Qaydalara əməl etməyən obyektlərin isə cəza kimi adları qara siyahıya salınaraq ictimaiyyətə açıqlanır və yaponlar da qınaq olaraq adı siyahıya düşmüş heç bir ictimai-iaşə obyektinə getmir. Heç bir yapon restoranı, iaşə obyekti də adının o siyahıda olmasını istəmədiyi üçün illərdir qoyulan bütün qayda və qanunlara riayət edir.

Mütəxəssislərin bildirdiyinə görə, Yaponiyanın əldə etdiyi uğurun əsasında koronavirusa yoluxma ilə əlaqədar ilkin kütləvi yanaşma mühüm rol oynayıb. İlk gündən maskadan kütləvi istifadə, məsafə saxlama və özünütəcridlə bağlı əhaliə verilən məlumatlara hər bir yapon bir nəfər kimi riayət etdiyindən yoluxma və ölüm halı az olub, ölkə karantin rejimindən ən tez çıxan ölkələrdən olub.

Tarix
2020.05.29 / 11:49
Müəllif
Nigar İxtiyarqızı
Şərhlər
Digər xəbərlər

Zirincin müalicəvi xüsusiyyətləri hansılardır?

Pendirin orqanizmə faydaları və zərərləri

Bu şəxslərin heç də hamısı korona xəstəsi deyil - Zeynalov

Pəhriz saxlayarkən qidalar belə qəbul olunmalıdır

"Semaşko"nun reanimatoluqu da koronaya yoluxdu - Video

Sinədə ağrılar, quru öskürək və təngnəfəslik varsa... - Video

Trampdan korona ilə bağlı daha bir xoş xəbər

Qara kişmişin faydaları nələrdir?

Ölkəmizdə yoluxma ehtimalı yüksək olanlar... - Açıqlama

“Buzlu şüşə” korona əlamətidir? – Radioloq açıqladı

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla