Rusiyalı müxalif siyasətçi İlya Yaşin Ermənistanda həyatına təhlükə yarana biləcəyi barədə xəbərdarlıq aldıqdan sonra İrəvana planlaşdırılan səfərini ləğv edib.

Axar.az xəbər verir ki, bu barədə “Meduza” məlumat yayıb.

Onun sözlərinə görə, söhbət mümkün fiziki təhlükədən gedir.

Yaşin hazırda ABŞ-dadır. O, Dövlət Dumasına seçkilərdə səsvermənin son gününə, yəni 20 sentyabra qədər İrəvana gəlməyi, seçki məntəqəsinə baş çəkməyi, “böyük müharibə əleyhinə növbə”də iştirak etməyi və müharibəyə qarşı çıxan ruslarla görüşməyi planlaşdırırdı.

“Vaşinqtonda olduğum müddətdə Ermənistana qarşıdan gələn səfərimlə bağlı müəyyən risklər barədə xəbərdarlıq edildi. Təfərrüatı açıqlaya bilmərəm, amma söhbət fiziki təhlükədən gedir”, - o, Teleqram səhifəsində yazıb.

Onun sözlərinə görə, aldığı məlumatları görməzdən gələ bilmir və təhlükəsizlik qaydalarına riayət etmək məcburiyyətində qalır. Bu səbəbdən Ermənistana səfər təxirə salınır və orada planlaşdırılan tədbirlər ləğv edilir.

Yaşin və digər rusiyalı müxalifətçilər Dövlət Duması seçkilərinin son günündə “Dinc Rusiya üçün günorta” kampaniyasının keçirilməsini təklif ediblər. Onlar Vladimir Putinin siyasətinə qarşı çıxan insanları 20 sentyabrda, günorta saatlarında səsverməyə getməyə çağırıblar.