Yaponiya məşhur şirkətlərindən biri süni insan sifəti hazırlanması üzərində işləyir.

Axar.az xarici mətbuata istinadən xəbər verir ki, "Real-f Co." şirkəti gələcəkdə plastik cərrahiyyədə istifadə edilə biləcək süni insan sifətinin yaradılması texnologiyası üzərində iş aparır. Hazırkı mərhələdə şirkət mütəxəssisləri tərəfindən bu və ya digər insan sifətinin silikondan hazırlanan dəqiq sürətlərinin istehsalı işə salınıb.

Əvvəlcə xüsusi skayner vasitəsilə sifətin dəridə boşluqları və qan damarlarını dəqiqliklə göstərməyə imkan verən geniş maketi yaradılır. Sonra 3D printerdə maket dərc edilərək onun əsasında silikondan maska hazırlanır. Belə modelin hazırlanması üçün iki həftədən iki ayadək vaxt tələb olunur. Xidmət haqqı 300 min yen (2,4 min dollar) təşkil edir.

Şirkətin prezidenti qeyd edib ki, bu texnikanın tibb sahəsində böyük gələcəyi var. O bununla ehtiyacı olanlara kömək etmək istədiyini bildirib.

Bununla bağlı artıq şirkətə müraciətlər başlayıb.

Qeyd edək ki, ötən ilin noyabrında Səudiyyə Ərəbistanının tikinti şirkətlərindən biri şirkətə şahzadə ailəsi üzvlərinin sifətlərinin surətini hazırlamağı sifariş etmişdi.