Azərbaycan vətəndaşları özlərini xərçəng və digər onkoloji xəstəliklərdən sığortalamağa başlayıblar.

Axar.az xəbər verir ki, bu barədə fins.az-a tibbi sığorta xidmətləri üzrə ixtisaslaşmış "A-Qroup" sığorta şirkətindən məlumat verilib.

"A-Qroup" iyun ayından etibarən xərçəngdən sığortanı nəzərdə tutan "Onkoloji Yardım" sığorta məhsulunun satışına başlayıb. Məhsul 69 manat sığorta haqqı müqabilində 15 min manat sığorta ödənişi nəzərdə tutur. Müştərinin daimiliyindən asılı olaraq ödənişin məbləği arta da bilər.

Xərçəngdən sığortaya daha çox maraq göstərən və sığortalananlar əsasən orta yaşlı müştərilərdir.

Qeyd edək ki, xərçəngə tutulanlar 5 ildə 35% artıb. Statistikaya əsasən, Azərbaycanda ən çox təsadüf olunan onkoloji xəstəlik ağ çiyər və nəfəs yolları xərçəngidir.