Türkiyənin Mersin şəhərində vəhşicəsinə qətlə yetirilən Özgəcan Aslanın həyatı haqda film çəkilib.

Axar.az türk mətbuatına istinadən xəbər verir ki, hər bir ölkədə baş verən qadın cinayətlərindən bəhs edən filmlər çəkən Kris Sörneyms bu dəfə "Dumanlı səs" (Faint Sound) filmini çəkmək üçün Türkiyədən də Özgəcan Aslanın hekayəsindən istifadə edib. Filmdə Özgəcan Aslan rolunu aktrisa Maral Büyüksaraç canlandırır.

Gənc qızın həyatından bəhs edən ekran əsəri sənədli film kateqoriyasında "Qızıl Portağal" mükafatına namizəd olub.

Xatırladaq ki, fevral ayında universitetdən çıxıb evə gedərkən marşrut sürücüsü tərəfindən təcavüzə uğrayaraq vəhşicəsinə qətlə yetirilən 20 yaşlı tələbə Özgəcan Aslana qarşı edilən vəhşilik nəinki Türkiyədə, bütün dünyada rezonans doğurmuşdu.