Terapevt Olqa Çistik insanlarda ən sürətli asılılıq yaradan spirtli içkilərin araq və viski olduğunu bildirib.

Axar.az E-sağlam.az-a istinadən xəbər verir ki, Çistik tərkibində yüksək miqdarda spirt olduğundan bu içkilərin beyinə, sinir sisteminə və daxili orqanlara güclü təsir göstərdiyini söyləyib.

Həkim həmçinin qeyd edib ki, pivə də tez aludəçiliyə səbəb ola bilər. Spirt miqdarı az olsa da, insan onu müntəzəm və böyük həcmdə qəbul etdikdə bu, asılılıq yaradır.

Mütəxəssis kokteylləri nisbətən daha az təhlükəli hesab edir, lakin onların tərkibində bir neçə növ spirt olduğu üçün orqanizmə təsiri gözlənilməz ola bilər.

Ümumiyyətlə, həkim istənilən spirtli içkinin sağlamlığa mənfi təsir etdiyini və hətta kiçik dozalarda belə müntəzəm istifadənin asılılıq yaratdığını vurğulayıb.