Su içmək üçün ən yaxşı vaxt hansı saatdır?

Axar.az Medicina.az-a istinadən xəbər verir ki, həkim Oksana Qribanova gün ərzində təmiz su içməyin qanda olan zəhərləri, toksinləri çıxarmağa kömək etdiyini bildirib.

"Su içmək üçün ən yaxşı vaxt haqqında müxtəlif fikirlər var. Yemək zamanı hər hansı mayedən qaçmaq lazım olduğuna da inanılır.

Yeməkdən 30 dəqiqə əvvəl ilıq su içmək faydalıdır. O, mədəni aktivləşdirir, həzmi yaxşılaşdırır və həddindən artıq yeməkdən qaçmağa kömək edir. Amma yeməkdən dərhal sonra bunu etməməlisən. Bir saat və ya ən azı 30 dəqiqə gözləmək daha yaxşıdır.

Yeməklər arasında su içmək idealdır. Bu, su balansını qoruyur və maddələr mübadiləsini yaxşılaşdırır.

Bəzən biz susuzluğu aclıqla səhv salırıq. Su içməyə çalışın, siz naharı təxirə salmaq istəyə bilərsiniz. Su təxminən 30-40 dərəcə istilikdə ola bilər, o ağızı yandırmamalıdır, eləcə də qazlı və ya buzlu olmamalıdır”, - həkim qeyd edib.