Kabab mədəaltı vəzi üçün ən ağır qidalardan biridir. Orqanizmə çox miqdar zülal daxil olduqa susuzluğa gətirib çıxarır.

Axar.az Medicina.az-a istinadən xəbər verir ki, Rusiyanın İctimai Sağlamlıq və Tibbi Profilaktika Mərkəzinin rəhbəri Olqa Çirkova kababa ən uyğun içkini açıqlayıb.

Su və ayran kababın təhlükəsiz həzm olunmasına kömək edir. Mütəxəssis izah edib ki, orqanizmə çoxlu miqdarda zülal daxil olduqda susuzluğa gətirib çıxarır. Məhz bu səbəbdən mayenin səviyyəsini su və mayalanmış südlü içkilər, o cümlədən ayran, tan və qımız içməklə saxlamaq lazımdır. Kəklikotu ilə isti qara çay da həzmə yaxşı kömək edir.

Bundan əlavə, Çirkova görə, bir neçə stəkan qırmızı şərab həzmi stimullaşdırır. Lakin həkim xəbərdarlıq edib ki, spirtin təhlükəsiz dozası yoxdur, ona görə də insanları bu tövsiyəni ehtiyatla qəbul etməyə çağırıb. Ətin ləzzətini almağa və mədə problemlərindən qaçmağa imkan verəcək kababın optimal hissəsi 100-150 qramdır.

Süfrəyə təzə tərəvəz və göyərti də əlavə edə bilərsiniz, birincisi ətlə yaxşı gedəcək və həzm sisteminə yükü azaldacaq. Bu vəziyyətdə kiçik boşqablardan istifadə edərək kiçik hissələrdə yemək lazımdır.