Yüksək stress səviyyəsi səhərlər pis əhval-ruhiyyənin səbəbi ola bilər.

Axar.az Medicina.az-a istinadən xəbər verir ki, ispan həkim Sara Marin Berbell digər səbəbləri də sadalayıb.

"Əgər axşam yeməyi çox erkən, çox yüngül və ya əksinə, çox yağlı yeməklər yesəz, gecədə qan şəkərinizin səviyyəsi kəskin şəkildə aşağı düşə bilər. Buna cavab olaraq, orqanizm oyanışı stimullaşdıran adrenalin hormonu istehsal etməyə başlayır. Bu da əsəbiliyin və güclü aclıq hissinin səbəbi ola bilər”, - həkim qeyd edib.

Həkim həmçinin səhər qıcıqlanmasını təbii olaraq artan stress hormonu olan kortizolun təsiri ilə əlaqələndirib. Kortizol, adrenalin kimi bədənin oyanmasına kömək edir, lakin xroniki stress, zəif yuxu və gec yatmaq zamanı bu mexanizm "itirilir".

"Səhər saatlarında orqanizm oyanma prosesinə başlamaq üçün kortizol ifraz edir. Amma siz daim stress keçirirsinizsə, pis yatırsınızsa və ya çox gec yatırsınızsa, kortizol səviyyəsi kəskin şəkildə yüksəlir və siz həyəcan rejimində oyanırsınız”, - Berbell bildirib.