Böyük britaniyalı həkimlər ventilyatorun yanında yatmağın sağlamlıq üçün niyə zərərli ola biləcəyini izah ediblər.

Axar.az Medicina.az-a istinadən xəbər verir ki, bir çox ölkələrdə tavanda ventilyatorlar hərlənir.

Onun gətirdiyi sərinlik kondisionerdən gələn aqressiv soyuqdan daha rahat görünür. Ancaq bəzi insanlar üçün otaqda ventilyatorla yatmaq sağlamlıq problemlərinə səbəb ola bilər.

Xüsusilə, həkimlər deyirlər ki, ventilyatorun yanında yatanlarda astma tutması və quru öskürək, quru gözlər və qaşınma yarana bilər. Bu vəziyyətdə, insan çox güman ki, yuxuya getməkdə də problem yaşayacaq.

Bundan əlavə, ventilyator elə işləyirsə ki, onun axınları yuxuda olan insanın üzərinə düşsün, bu zərərli ola bilər, çünki belə şəraitdə əzələ gərginliyi, kramplar və ağrılar üçün ilkin şərtlər yaranır.

Yataq otağında ventilyator yolverilməzdir.