Qan təzyiqini və şəkər səviyyəsini aşağı salan sadə içkilərdən bir də nanə çayı və ya nanəli sudur.

Axar.az Medicina.az-a istinadən xəbər verir ki, diyetoloq Emma Derbişir təzyiqi və şəkəri salmaq üçün sadə üsulu açıqlayıb.

“Nanə çayı, dəmləməsi beyin, ürək-damar sistemi üçün faydalıdır və qan şəkərinin səviyyəsini tənzimləməyə kömək edir. Son araşdırmalar nanə çayının içilməsinin təzyiqi aşağı saldığını göstərib. Bu nanənin qan damarlarının hamar əzələlərindəki kalsium kanallarına təsiri, həmçinin nanənin sakitləşdirici təsiri ilə əlaqədar baş verir.

Nanə çayı insulinə həssaslığı yaxşılaşdırır və beləliklə də qan şəkərinin səviyyəsini daha yaxşı idarə etməyə kömək edir.

Bundan əlavə, nanə çayının tərkibində antiinflamatuar təsir göstərən rozmarin turşusu və mentol kimi aktiv birləşmələr var. Bir sıra tədqiqatlar göstərir ki, nanə çayı dəmləmələri yaddaş, konsentrasiya və idrak funksiyasını yaxşılaşdırmağa kömək edə bilər.

Ona görə də şəkər və təzyiq xəstələri xüsusən yayda nanə ilə dost olmalıdır”, - Derbişir qeyd edib.