Son günlərdə müxalifət dairələri sözün əsl mənasında zəmanətlər mövzusuna diqqət yetiriblər.

Axar.az xəbər verir ki, bunu Ermənistan xarici işlər naziri Ararat Mirzoyan deyib.

“Xatırlayırsınızsa, təxminən dörd il ərzində onlar sülh ideyasını ümumiyyətlə qəbul etmirdilər. Onların Qarabağın qaytarılması da daxil olmaqla, sülh məntiqinə birbaşa zidd olan narrativləri var. İndi isə onlar yeni bir formul ortaya atıblar: "zəmanətli sülh".

Etiraf etmək lazımdır ki, zaminlər öz maraqlarını güdürlər. Beynəlxalq münasibətlərdə heç kim başqasının gözəl gözləri üçün heç nə etmir. Sülh zəmanətlərlə deyil, qarşılıqlı fayda ilə müəyyən edilir”, - Mirzoyan bildirib.