09:35

Qarabağda səfərdə olan diplomatik korpus nümayəndələri Şuşa şəhərinin tarixi məkanları ilə tanış olublar.

Axar.az xəbər verir ki, nümayəndə heyəti Şuşa şəhərində hazırda inşa olunan yeni məscidin tikinti meydanında olublar.

Qonaqlara şəhərin yeni simvolu olacaq yeni Şuşa məscidi haqqında məlumat verilib.

Bildirilib ki, təməli 2021-ci ildə dövlət başçısı tərəfindən qoyulan və memarlıq həlli rəmzi xarakter daşıyan məscid tarixi şəhərdə modern memarlıq nümunəsi kimi seçiləcək.

Məscidin inşasının gələn il yekunlaşdırılması nəzərdə tutulub.

***

Azərbaycanda akkreditə olunmuş diplomatik korpusun nümayəndələri Şuşada Qazançı kilsəsinə baş çəkiblər.

Diplomatlar tarixi abidə, eləcə də Azərbaycanın çoxkonfessiyalı irsin qorunması üzrə səyləri ilə tanış olublar.

Qeyd edək ki, Qarabağa və Şərqi Zəngəzura ikigünlük səfərdə ümumilikdə 62 ölkənin və beynəlxalq təşkilatın 150-dən çox səfiri, diplomatı, hərbi attaşesi və digər nümayəndəsi iştirak edir.

Diplomatik korpusu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev müşayiət edir.