Pakistana Kollektiv Təhlükəsizlik Müqaviləsi Təşkilatının Parlament (KTMT) Assambleyasında müşahidəçi statusu verilməsi məsələsi bizim sayəmizdə şuranın gündəliyindən çıxarılacaq.

Axar.az xəbər verir ki, bunu jurnalistlərə açıqlamasında Ermənistan parlamentinin vitse-spikeri Eduard Şarmazanov söyləyib. Onun sözlərinə görə, rəsmi İrəvan bununla bağlı Rusiya Dumasının sədri Vyaçeslav Volodinə müraciət edib:

"Pakistan Ermənistanın müstəqilliyini tanımır. Üstəlik, bu ölkə birmənalı olaraq Qarabağ məsələsində Azərbaycanın mövqeyini müdafiə edir. Pakistanın bu siyasəti Aprel hadisələri zamanı göründü. Buna görə də KTMT-nin Parlament Assambleyasında Pakistana müşahidə statusunun verilməsi müzakirə edilməyəcək".