Rusiya səfiri Andrey Karlovun öldürülməsi ilə bağlı Rusiyadan Türkiyəyə gələn heyət bu gün də istintaq tədbirləri həyata keçirib.

Axar.az xəbər verir ki, rus mütəxəssislərin iştirakı ilə Ankara Polis İdarəsinin Terrorla Mübarizə Şöbəsində keçirilən toplantıda sonrakı araşdırmaların istiqaməti müəyyənləşdirilib.

Bundan əlavə, ruslar sui-qəsdi həyata keçirən polis əməkdaşı Mövlud Mərd Altındaşın sosial şəbəkə hesabları, internet vasitəsilə əlaqə yaratdığı şəxslər və s. məsələlər barədə türk həmkarlarından məlumat alıblar.

Qeyd edək ki, səfirin öldürülməsi ilə bağlı sifarişin FETÖ şəbəkəsindən gəldiyi ehtimal edilir.