Ermənistan növbəti dəfə iki stulda oturmaq siyasətinin acı nəticəsini dadmaqdadır.

Axar.az xəbər verir ki, bu sözləri millət vəkili Aydın Mirzəzadə qeyd edib. O bildirib ki, Amerika Birləşmiş Ştatlarının Prezidenti Donald Tramp onun Qüds mövqeyini qəbul etməyən ölkələrin ABŞ-ın maliyyə yardımından məhrum olacağını bəyan edib:

“Bir sıra ölkələr, o cümlədən Ermənistan ABŞ-ın yardımından asılıdır. İndi o, Amerikanın Qüds mövqeyini qəbul etsə, islam dünyası, ilk növbədə İranla ( o cümlədən strateji müttəfiqi Rusiya ilə) əks cəbhədə olacaq və acı nətisə özünü çox gözlətməyəcək. Yox, əgər, Amerikanın mövqeyi ilə razılaşmasa, onun maliyyə yardımından məhrum olacaq”.

Qeyd edək ki, Amerika Birləşmiş Ştatlarının Prezidenti Donald Tramp Qüds məsələsinin BMT Təhlükəsizlik Şurasında müzakirəsi ilə bağlı sərt bəyanatla çıxış edib.